На 20 декември, во 20.30 часот, во „Универзална сала“ во Скопје, етно-групата „Љубојна“ ќе одржи концерт насловен „Љубојна музика на дланка“. На концертот ќе има музика од нивниот последен албум „Незгаснати огништа“, како и хитови од нивните претходни албуми.
Специјален гостин на концертот е џез-музичарот и пијанист Васил Хаџиманов. Билетите се во продажба преку продажната мрежа на „Купи карти за сè“, како и на билетарницата на „Универзална сала“, по цена од 350 денари.