Русија распоредила меѓу 5.000 и 7.500 војници на украинска територија, не сметајќи го подрачјето на анектираниот полуостров Крим, соопшти украинскиот министер за одбрана.
Министерот Игор Долгов рече дека на Крим се стационирани 23.000 војници, вклучувајќи и 9.000 разместени долж административната граница меѓу Крим и остатокот на Украина.
Според него, околу 55.000 руски војници се стационирани во близина на украинската граница.
Москва негира какво било воено присуство во Украина, освен на Крим, кој е анектиран во 2014 година.
Киев и Западот ја обвинуваат Москва дека воено, економски и политички ги поддржува сепаратистите на истокот на Украина.
На почетокот од месецов, Меѓународниот кривичен суд пресуди дека судирите во Источна Украина се „меѓународен вооружен судир“ меѓу Русија и Украина.
Според податоците на ОН, од почетокот на конфликтот во 2014 година загинале 9.600 лица.