Шефот на руската опозициска партија Парнас, Михаил Касјанов, денеска соопшти дека тројца непознати мажи киднапирале истакнат член на неговата партија.
Касјанов на својот фејсбук-профил напишал дека е киднапиран Михаил Конев, претседател на младинскиот разгранок на партијата.
Конев во моментот кога излегол од зградата на воената комисија во Москва бил втурнат во автомобил.
Касјанов на „Фејсбук“ објавил и фотографија од автомобилот на која се читаат регистарските таблички.
Тој додаде дека неговата партија бара итна истрага и ги повика властите да овозможат итно ослободување на момчето.
Копретседателот на Парнас, Борис Немцов, беше убиен во близина на Кремљ во февруари 2015 година.