Претседателот Ѓорге Иванов, во рамки на официјалната посета на Црна Гора, денеска во Подгорица, заедно со својот домаќин, црногорскиот претседател Филип Вујановиќ, ќе се обрати на отворањето на бизнис-форум на кој ќе учествуваат претставници на околу 45 компании од двете земји.
Целта на форумот е да се претстават можностите за инвестирање во Македонија и за зајакнување на економската соработка, која поради лошата инфраструктурна поврзаност не е на високо ниво, како што е политичката соработка меѓу Македонија и Црна Гора.