Претседателот Ѓорге Иванов денеска го прими Илир Мета, претседател на Собранието на Република Албанија, кој престојува во официјална посета на Република Македонија.
Македонскиот претседател и претседателот на албанското собрание ја истакнале потребата од понатамошно унапредување на економската соработка помеѓу двете земји, особено во областа на трговијата, туризмот и на инфраструктурата, констатирајќи дека тоа е од заеднички интерес.
На средбата била истакната и потребата за заедничка посветеност за забрзување на реализацијата на тековните инфраструктурни проекти кои вклучуваат патна, железничка и енергетска инфраструктура, во рамките на Коридорот 8.