Српскиот премиер Александар Вучиќ, заедно со членовите на Владата на Србија, беше дочекан пред зградата на Парламентарното собрание на БИХ во Сараево, со највисоки воени и државни почести. По дочекот, почна седница на двете влади.
Посетета на српската делегација, која синоќа допатувала во Сараево, е проследена со засилени безбедносни мерки, има присуство на голем број припадници на полицијата, а институциите ги надлетуваат и хеликопетри.
Како што е најавено, двете влади ќе потпишат четири договори за соработка во барањето исчезнати лица, меморандум за разбирање во областа на телекомуникациите, протокол за соработка на зачувување на мостот Мехмед-паша Соколовиќ, како и договор за заштита на животната средина и одржлив развој.