Продажните цени на производителите на индустриски производи во септември, вкупно, се пониски за 0,6 отсто на месечно ниво, а за 5,1 отсто на годишно ниво, објави Државниот завод за статистика.
Во споредба со истиот период лани, продажните цени на производителите на индустриски производи, вкупно, се пониски во секторот рударство и вадење камен за 3,8 отсто и во секторот преработувачка индустрија за 5,7 проценти, а во секторот снабдување со електрична енергија, гас, пареа и климатизација се повисоки за 1 процент.