Милитантите на Исламска држава денеска го нападнале пристаништето Ал Сидра, во кое на наоѓа најголемиот нафтен терминал во Либија, изјавија либиските претставници.
Ал Сидра е под заштита на фракција на федералната армија. Ова нафтено пристаниште беше мета на напади на ИД и во октомври минатата година, а исто како и нафтеното пристаниште Рас Ланиф, беше затворено повеќе од една година поради судирите на ривалските фракции во Либија.
ИД, чие главно седиште се Сирија и Ирак, во Либија ја контролира областа на брегот на Средоземното Море, околу градовите Сирт и Ал Нофалијех.