Колинда Грабар-Китаровиќ стана првата жена-претседател на Хрватска откако вчера, со нешто повеќе од 50 отсто од гласовите, победи во вториот круг од претседателските избори.
Грабар-Китаровиќ успеа да го победи досегашниот претседател Иво Јосиповиќ, за кого гласаа 49 отсто од гласачите.
Четириесет и шестгодишната Грабар-Китаровиќ од опозциската Хрватска демократска заедница (ХДЗ) е поранешна шефица на хрватската дипломатија, а своевремено беше и помошник на генералниот секретар на НАТО.
Победата на опозицијата на изборите, според аналитичарите, е показател за незадоволството на граѓаните од начинот на кој левичарската влада се справува со економска криза и со стагнацијата.