До 31-ти август 2023 година, ЕСМ Снабдување со топлина нуди можност за бесплатно приклучување на исклучените потрошувачи, информираат од компанијата.
„Со цел да им овозможиме на што поголем број потрошувачи да ги користат придобивките на системот за централното греење, започнуваме акција за бесплатно приклучување за исклучените потрошувачи кои ќе се одлучат да се приклучат на системот за централно греење“, се вели во соопштението на ЕСМ.
Акцијата за бесплатно приклучување важи до 31 август 2023 година и ќе биде спроведена по принципот „прв пријавен, прв услужен“.
Поволностите од акцијата за бесплатно приклучување, велат од ЕСМ, важат само во објектите кои се приклучени на централниот систем за греење и каде има техничка можност за приклучување на станот или деловниот простор.
За да се искористи можноста за бесплатно приклучување потребно е да се поднесе писмено барање за приклучување во некој од пунктовите за потрошувачи на ЕСМ Снабдување со топлина.
„По завршување на акцијата, односно од 1 септември 2023 година, приклучувањето ќе се наплаќа во целост согласно важечкиот ценовник. Бесплатното приклучување на исклучените потрошувачи подразбира бесплатно испуштање на вода од системот за централно греење како и работна рака без надоместок. Секоја дополнителна интервенција на внатрешната грејна инсталацијата ќе се наплаќа согласно ценовникот за сервисни услуги“, информираат од ЕСМ Снабдување со топлина.