Електрани на Република Македонија (ЕЛЕМ) планира во Охрид да гради конгресен центар, кој треба да го поттикне развојот на конгресниот туризам. Компанијата веќе го објави конкурсот за избор на идејно решение за изградба на центарот.
За вреднување на пристигнатите трудови е формирана жири-комисија, во состав: Звонко Кушоски, Миле Славковски и Снежана Галовска.
ЕЛЕМ планира да го изгради конгресниот центар со сопствени финансиски средства, а работата е предвидено да почне во првата половина од 2017 година.
Конгресниот центар ќе има една голема сала со капацитет од 1.500 до 2.000 седишта и четири до шест помали сали со капацитет од 200 лица.