Во периодот од 10 до 12 часот денеска, околу 13.000 вработени во државната администрација во земјава не работеа, туку протестираа пред институциите. Тие бараат ниту една плата да не биде под минималната плата од 18.000 денари, а бараат да се усогласат останатите плати.
Протестирачите велат дека минималната и просечната плата во земјава растеле, но тие во изминатите десет години, не добиле речиси ништо.
Премиерот Димитар Ковачевски рече дека јавниот сектор има 138 илјади вработени.
„Тие ги добиваат платите благодарение на даноците кои ги плаќа приватниот сектор. Тоа не треба да е причина да се прават протести“, рече Ковачевски.
Протестот продолжува и утре.
Инаку, минималната плата од 2016 година наваму порасна двојно повеќе, од 9.000 на 18.000 денари.