Министерот за надворешни работи Никола Димитров, претседателот Стево Пендаровски и премиерот Зоран Заев утре ќе се сретната со грчкиот министер за надворешни работи, Никос Дендиас, кој ќе престојува во официјална посета на Македонија.
На средбата со Димитров е предвидено да се разговара за билатералните односи, за политичката и економска соработка, како и за европската перспектива на Македонија и регионот.
„Исто така предвидено е да се разгледаат и можностите за унапредување на политичкиот дијалог меѓу двете земји, во светло на имплементацијата на обврските од Преспанскиот договор“, информираат од МНР.