Денеска во Брисел почнува дијалогот меѓу ВМРО-ДПМНЕ и СДСМ за решавање на политичката криза во Македонија. Дијалогот ќе се одвива со посредство на европратениците Иво Вајгл, Едвард Кукан и Ричард Ховит.
Претставници на ВМРО-ДПМНЕ ќе бидат Никола Попоски, Никола Тодоров и Илија Димовски, додека, пак, во име на СДСМ ќе зборуваат Радмила Шекеринска, Рената Треневска-Дескоска и Виктор Габер.
Европратениците во петокот наведоа дека дијалогот ќе се одвива зад затворени врати. Не се очекува европратениците да понудат решение, туку само да го олеснат дијалогот меѓу претставниците на двете партии.
Се очекува дијалогот да почне во Европарламентот во 11 часот и да трае максимум до 18 часот.