Анализата од вкрстената проверка на податоците од избирачкиот список и на базите со податоци од државните институции продолжува и денеска, најавуваат од Државната изборна комисија.
Се очекува да се усвои извештајот за резултатите од вкрстената анализа и да се знае колку гласачи се јавуваат како спорни.
Нема информации дали вчера причина за неусогласеноста на ставовите на членовите на ДИК била бројката за спорни гласачи.
Партиски извори брифираат дека бројката на спорни гласачи оди од 100.000, па дури и до 300.000.
По усвојувањето на анализата, ДИК ќе треба да почне со теренска проверка на спорните гласачи.