Во средните училишта во Македонија, од денеска до 30 јануари ќе се спроведува екстерна проверка на знаењето на учениците од завршните години (трета и четврта), во согласност со објавените распореди на интернет-страницата на Државниот испитен центар.
Министерството за образование и наука соопшти дека на наведената страница е објавена база со вкупно 50.400 прашања на македонски, албански и на турски јазик, кои ќе бидат дел од тестовите за гимназиско и за стручно образование за сите струки, насоки и предмети.