Членовите на Комисијата за надворешна политика треба да ја констатираат потребата за носење неколку предлог-ратификации.
На дневен ред се предлог-законоте за ратификација на договорот меѓу владите на Македонија и на Словенија за полициска соработка, предлог-закон за ратификација на договорот помеѓу Швајцарската конфедерација, претставувана од Сојузната канцеларија за бегалци и Република Австрија, претставувана од Сојузното министерство за внатрешни работи, во врска со воспоставувањето и со функционирањето на „Меѓународниот центар за развој на миграциската политика (ИЦМПД)“ во Виена, со измени и со дополнувања, предлог-закон за ратификација на протоколот за изменување и за дополнување на Спогодбата од Маракеш за основање на Светската трговска организација.
На дневен ред се и предлог-закон за ратификација на дополнителен протокол кон Европската повелба за локална самоуправа за правото за учество во работите на локалната власт, предлог-закон за ратификација на дополнителниот протокол 4 на Договорот за измена и пристапување на Централниот европски договор за слободна трговија и предлог-закон за ратификација на договорот меѓу Владата на Република Македонија и Владата на Кралството Саудиска Арабија за одбегнување на двојното оданочување за даноците на доход и за заштита од даночна евазија.
Комисијата за труд и социјална политика треба да се изјасни за дополнувањето на Законот за вработување на инвалидни лица, по скратена постапка, и за предлог-закон за национална база на податоци за лица со инвалидност, во второ читање.
Измените на Законот за заштита и спасување, по скратена постапка, се на дневен ред на Комисијата за одбрана и безбедност.
Комисијата за финансирање и буџет денеска ќе го одржи третото продолжение на амандманската расправа за ребалансот на буџетот.