На денешната седница, македонската влада ќе решава кој ќе го замени Сашо Мијалков, досегашниот директор на Управата за безбедност и контраразузнавање. Тој пред две недели поднесе оставка, како што наведе, за да придонесе во надминувањето на политичката криза во земјата.
На седницата, владата треба да расправа и за тоа кој ќе биде нов директор на Бирото за јавна безбедност. Досегашниот директор Митко Чавков стана министер за внатрешни работи, откако Гордана Јанкулоска поднесе оставка.