Бугарскиот премиер Бојко Борисов добил смртна закана, јавуваат бугарските медиуми.
На адреса на владата во Софија стигнало писмо со фотографија од Борисов, куршум и заканувачка порака, јавуваат медиумите, повикувајќи се на извори на безбедносните служби.
Борисов вели дека не е загрижен и оти сè се случува поради неговата борба против корупцијата и шверцот.
Бугарскиот премиер минатата недела нареди да се запрат сите сомнителни јавни набавки, меѓу кои и изградбата на дел од автопатот „Хемус“, вреден половина милијарда евра.
Борисов добивал закани и додека бил на функцијата директор на бугарската полиција.