Сообраќајот на државните патишта се одвива по влажни коловози, на места со остатоци од снег по интервенцијата од „Македонија пат“, соопштуваат од претпријатието.
Забрани за сообраќај за тешки товарни возила има на планинските превои Маврово, Ѓавато, и на патниот правец Крива Паланка – граничен премин Деве Баир, а укината е забраната за Стража и за Плетвар.
Во клисурите и во засеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
Од ЈП „Македонија пат“ апелираат на внимателно возење и на прилагодување на брзината спрема условите на патот и додаваат дека дежурните екипи се постојано на терен и ги одржуваат сите патни правци проодни.