Во Македонија времето денеска ќе биде сончево, со мала до умерена облачност, а попладне се очекува локално зголемување на облачноста, особено во западните делови од земјата.
Утринската температура ќе се движи од -5 до 4 Целзиусови степени, а дневната од 7 до 15 степени. Ќе дува слаб до умерен ветер од јужен и од југоисточен правец.
Во Скопје времето ќе биде сончево, со мала до умерена облачност и со слаб до умерен југоисточен ветер. Утринската температура ќе се спушти до -3, а дневната ќе достигне 10 Целзиусови степени.
Според синоптичарите, в недела се очекува значителна промена на времето, со зголемена облачност и со врнежи од дожд, а на повисоките места врнежите ќе бидат од дожд и од снег.