Времето денеска ќе биде потопло, со врнежи од снег кој на планините се очекува да наврне до 20 сантиметри. На пониските места ќе има повремени врнежи од дожд. Ќе дува слаб до умерен, претежно западен ветер.
Утринската температура ќе се движи од минус 3 до 2 Целзиусови степени, додека дневната ќе биде во интервал од нула до 9 степени.
Во Скопје и во околината се очекува слично време со утринска температура околу минус 1 Целзиусов степен и со дневна до 4 степени.
В недела ќе има преодно стабилизирање на времето, а од понеделник ќе почне период на претежно облачно време со повремени врнежи од снег со променлив интензитет. Од средината на неделата на пониските места, особено на југоисток, врнежите ќе бидат од дожд.