Во рамките на програмата „Капстон“, воена делегација од САД ќе ја посети Македонија.
Делегацијата предводена од генерал Вилијам Фрејзер Трети ќе се сретне со министерот за одбрана, Зоран Јолевски, и со претставници на Министерството за одбрана и на АРМ.
Целта на посетата е идните лидери на воените сили на САД да се запознаат со РМ и да ги разгледаат можностите за развој на соработката помеѓу двете држави, соопшти Министерството за одбрана.