Министерството за внатрешни работи информира дека на 24 јануари, по претходно добиени информации, во атарот на село Блаце, во близина на границата со Косово, е пронајдено закопано разновидно оружје и муниција кои потекнуваат од 2001 година. „Полициски службеници од Одделот за криминалистичка полиција, Одделот за сузбивање на организиран и сериозен криминал и СВР Скопје, пронашле две зољи, еден РПГ7, три гранати за РПГ7, нишанска справа, две барутни полнења за РПГ7, девет парчиња муниција 7,62×54 R и два реденика кои биле закопани во земја. Се преземаат мерки за расчистување на случајот“, соопштија од МВР.