Во последните 24 часа, Министерството за внатрешни работи (МВР) издало потврди за искажана намера за поднесување барање за признавање на правото на азил на вкупно 1.784 мигранти.
Според државјанството на лицата на кои вчера им биле издадени вакви документи, 893 се со потекло од Авганистан, 642 од Сирија, а од Ирак се вкупно 249 лица.
Од 1 јануари оваа година до вчера, МВР издало потврди на вкупно 15.808 мигранти, а од 19 јуни минатата година, кога стапија на сила измените на Законот за азил и привремена заштита и почна издавањето на потврдите, заклучно со вчерашниот ден, вакви документи им се издадени на вкупно 404.041 мигрант.
Како што информираат од МВР, вчера до Секторот за азил не биле поднесени нови барања за признавање на правото на азил.