Министерство за финансии – Управа за јавни приходи и Министерство за економија – Државен пазарен инспекторат во соработка со МВР вчера извршиле контроли во вкупно 13 угостителски објекти.
Притоа во три угостителски објекти не се детектирани никакви неправилности. Два угостителски објекти биле затворени, еден ресторан нема да извршува дејност до 7 јануари 2015 година, додека уште во еден ресторан контролата не беше извршена поради претходно издадено решение за забрана на вршење дејност од страна на УЈП на 31 декември 2014 година.
Кај останатите угостителски објекти е утврдено пушење во објект, несогласување на дневен промет евидентиран со фискалниот апарат, констатирање на непријавено лице кое работело. На овие угостителски објекти им се изречени парични казни.