Тимот што трансплантираше црн дроб на крајот на минатата година за првпат во земјава, ја доби Државната награда „23 Октомври“, соопшти Министерството за култура.
Признанието на тимот составен од проф. д-р Зоран Караџов, проф. д-р Светозар Антовиќ, доц. д-р Бети Тодоровска, прим. д-р Татјана Спировска и проф. д-р Маја Мојсова Мијовска ја доби наградата во категоријата „Наука и образование“.
Вториот добитник на Државната награда „23 Октомври“ во оваа категорија е универзитетскиот професор д-р Африм Османи.
За остварување во областа на културата и уметноста, наградата им се додели на проф. м-р Роберт Јанкулоски, визуелен уметник и на Блаже Миневски, писател.
Наградата ќе им биде врачена на добитниците на 23 октомври во 12 часот во Собранието.