Prokuroria Speciale që moti ka humbur kredibilitetin që të zhvilloj procedura lidhur me drejtësinë, por ka mbajtur edhe më tej primatin si një prej pjesëve më kryesore organizative të LSDM-së gjegjësish vegël në funksion të partisë opozitare çdoherë kur atyre u duhet që të arrijnë ndonjë synim. Këtë sot e deklaroi ish ministrja e brendshme dhe zyrtare e lartë e VMRO DPMNE-së, Gordana Jankuloska pas bisedën informative në PSP.
“Është e qartë se për momentin, duke u afruar zgjidhja e krizës politike, Zoran Zaevit i nevojitet ndihmën dhe çdoherë kur ka nevojë për diç të tillë këtu është PSP i cili del me diç që i shkon në favor të opozitës gjegjësisht përmirëson pozicionet e Zoran Zaevit” deklaroi Jankuloska.
E pyetur për cilin rast ka qenë e ftuar sot në PSP, ajo u tha gazetarëve që përgjigje të marrin tek “ai që i ka ftuar para PSP-së”.
“Për cilin rast isha e ftuar është korrekte t’u tregoj ai që ju ka mbledhur këtu” tha Jankuloska duke shtuar se për atë që e kanë pyetur ajo ka kërkuar që t’i shfrytëzoj “të drejtat që ia lejon ligji”.
Ish ministrja në PSP sot u paraqit në orën 10 dhe aty ka qëndruar 1 orë e gjysmë.