Në vazhdimin e dytë të seancës konstituive të Kuvendit, deputetët Stefan Bogoev nga LSDM dhe Ilija Dimovski nga VMRO DPMNE u përplasën me analiza rreth agjencisë së lajmeve “Meta”.
Bogoev nga foltorja e Kuvendit tha se në fjalimin e tij do të bazohet në analizën e “Meta” për ndryshimin e narrativit të VMRO DPMNE-së për Platformën e partive shqiptare, që në mënyrë dramatike ndryshoi pas dështimit të bisedimeve të VMRO DPMNE-së me BDI-në për formimin e Qeverisë.
Ai më tej tha se përfaqësuesit e VMRO DPMNE-së e kanë emëruar Platformën në një mënyrë derisa kanë zgjatur bisedimet me BDI-në ndërsa fjalori i partisë ka ndryshuar pas dështimit të bisedimeve.
“Në periudhën 9-29 janar, kur mandati ishte tek Nikola Gruevski, VMRO DPMNE nuk përmendi Platformën e Tiranës, por thoshte “ajo” platformë. Më 30 janar, kur Gruevski humbi mandatin, menjëherë Platformën e partive shqiptare e emëroi si Platformë e Tiranës, Platforma e Edi Ramës, Platformë mbarë- shqiptare” tha Bogoev.
Ndaj kësaj replikoi Ilija Dimovski nga VMRO DPMNE, i cili në vend të narrativit të partisë së tij për Platformën, sulmoi agjencinë “Meta”, të cilën e quajti “sorosoide”.
“Rreth agjencisë së lajmeve “Meta”, do të doja të sqaroj se është shkurtesë e fjalët “Metamorfozis”, “Meta” është pronësi e “Metamorfozis” ndërsa “Metamorfozis” është në pronësi të Sorosit. Pas fjalimit të ri nga SHBA-të, e imponuar nga administrata e re, e tërë kjo është “fake neps”, tha Dimovski.
Ndryshe, presidenti i ri amerikan, Donal Tramp, televizionit kryesore të SHBA-së, CNN, ABC, NBC si dhe BBC-në britanike, por edhe gazetat “New York Times”, “Washington Post” që haptazi e kritikojnë, i quajti “fake news”.