BDI përshëndeti marrëveshjen e djeshme, për siç thuhet në njoftimin e partisë, “pikën e vetme të hapur nga marrëveshja e 2 qershorit, e cila kishte të bëjë për formën e Qeverisë e cila do t’i organizoj zgjedhjet e parakohshme”.
“BDI falëminderon autoritetet e komunitetit ndërkombëtar për kontributin në arritjen e marrëveshjes përfundimtare dhe shpreh vlerësim edhe për rolin konstruktiv të liderëve partiak në drejtim të tejkalimit të krizës së rëndë politike” thuhet në njoftimin e BDI.