Komisioni i përkohshëm ad-hok në takimin e sotëm nuk ka arritur konsensus për emërimin e anëtarit të pestë, mëson “Meta” nga burime të besueshme.
Anëtarët e trupit ad- hok në seancën e sotme duheshin të zgjedhin anëtarin e pestë, që të mund të funksionoj ky trup.
Siç qëndron në Kodin zgjedhor, anëtari i pestë duhet të jetë shqiptar dhe ai të zgjidhet përmes konkursit publik.
Trupi ad- hok pritej të formohet deri më 19 gusht, por për shkak se ndryshimet në Kodin zgjedhor dhe Ligjin për media u publikuan në “Gazetën zyrtare” me vonesë prej katër ditëve, për aq ditë u prolongua formimi i tij.
Slagjana Dimishkova, Cvetin Çilimanov, Goran Tërpenovski dhe Lubomir Kostovski janë katër anëtarët e trupit ad-hok që i propozuan partitë dhe ata me konsensus duhet ta zgjedhin anëtarin e pestë.