Советот за етика во медиумите на Македонија (СЕММ) денеска го осуди вчерашниот физички напад врз новинарот на „Телевизија 24“.
„Трендот на насилство и попречување на работата на новинарите и на медиумските работници продолжува да биде сериозен проблем. Со тоа се потврдуваат тенденциозните обиди да се загрози слободата на медиумите и правото на јавноста да биде информирана“, стои во реакцијата.
Оттаму потсетуваат на обврските на државата во однос на слободата на изразување и на информирање.
„Државата е одговорна за преземање на сите активни мерки за создавање и за одржување поволна средина за слободата на изразување, а таквата обврска е и во согласност со член 10 од Европската конвенција за човекови права. Комитетот на министри на Советот на Европа, исто така, препорачува да се заштити новинарството и безбедноста на новинарите и другите медиумски актери“, стои во реакцијата.