Министерството за транспорт и врски објави оглас за продажба на државно неизградено земјиште во општина Зелениково, за изградба на филмски град. Земјиштето ќе се продава по пат на електронско јавно наддавање.
Градежната парцела е со површина од 157.276 метри квадратни и почетната цена за еден квадратен метар е 110 денари.
Јавното наддавање ќе се одржи на 6 февруари на интернет-страницата www.gradezno-zemjiste.mk, а пријавите за учество треба да се достават најдоцна до 2 февруари.
Како што соопштуваат од министерството, најповолниот понудувач ќе треба да изгради едно големо и едно средно филмско студио, четири објекти за сместување на филмската техника и реквизити, за аудио и за видеопродукција и една административна зграда.
На огласот можат да учествуваат домашни и странски физички лица и компании.