Почна изградбата на водоводната мрежа за болницата „Филип Втори“. Со оваа инвестиција ќе се обезбеди водовод во должина од 572 метри долж новопроектираните улици 1 и 2, кои се наоѓаат меѓу улицата Бледски договор и булевар 8 Септември и кон бензиската пумпа на „Макпетрол“.
Изведувач на градежните работи е фирмата „Жикол“, а целата инвестиција тежи околу пет милиони денари, кои ќе бидат обезбедени од буџетот на Општина Карпош. Градежните работи се очекува да завршат за десет дена.