Русија денеска слави 71 година од победата над фашизмот во Втората светска војна, со традиционална воена парада на московскиот Црвен плоштад и во другите градови, како и со обраќање на претседателот Владимир Путин до нацијата.
Воената парада во Москва почнува во 10 часот по московско време, а се очекува да учествуваат 10.000 лица.
На парадата ќе бидат претставени 135 видови воени техники, а над градот ќе летаат 71 воени авиони и хеликоптери.
Путин ќе се обрати на парадата, а заедно со него на Црвениот плоштад ќе биде и премиерот Дмитриј Медведев.
По парадата, рускиот претседател ќе им се приклучи на воените ветерани од војната и ќе положи цвеќе на споменикот на Незнајниот јунак, оддавајќи им почит на загинатите.