Информативната агенција „Раша тудај“ ја покрена мултимедијалната група „Спутник“, која вклучува центри во повеќе од десеттина држави.
Според генералниот директор Дмитриј Кисељев, планирано е во текот на 2015 година да бидат емитирани околу 800 часови радиопрограма дневно во 34 држави и во 130 градови во светот. Целта на медиумот ќе биде да ја покаже мултиполарноста на светот, во кој секоја земја има свои интереси, култури и традиција.
– Ние сме против агресивната пропаганда што го храни светот. Обезбедуваме алтернативно толкување на светот. Секако, постои потреба за тоа – вели Кисељев, додавајќи дека во во главните градови ќе бидат вработени од 30 до 100 лица.
Вестите ќе бидат емитувани на руски, абхазиски, англиски, грузиски, дари и пушту (јазици во Авганистан), шпански, казахстански, кримско-татарски, кинески, курдски, летонски, молдавски, германски, таџикистански, полски, португалски, турски, узбекистански, украински, фински, француски, хинду, естонски и на јапонски јазик.