Времето денеска ќе биде повремено облачно, наутро со услови за појава на магла во котлините. Во текот на денот ќе дува слаб до умерен јужен ветер кој ќе биде најизразен в долж Повардарието.
Минималната температура ќе се движи од четири до девет, а максималната од 12 до 18 Целзиусови степени.
Во Скопје и околината не очекува слично време, променливо облачно, наутро со услови за појава на магла, а попладне со повеќе сончеви периоди. Утринската температура ќе се спушти до седум, а дневната ќе се искачи до 15 Целзиусови степени.
Продолжува периодот на променливо облачно време со повремени врнежи од дожд со променлив интензитет. Пообилни врнежи од дожд се очекуваат во среда и четврток кога ќе дојде и до опаѓање на температурата, а на планините врнежите ќе поминуваат во снег.