Претседателот на Собранието на Република Македонија, Трајко Вељаноски, им се обрати на граѓаните.
„Лично сум убеден дека во изминативе 12 месеци имавме многу убави моменти и задоволства. Затоа, во новата 2015 година на сите наши граѓани им посакувам, пред сè, здравје и лична среќа. Верувам дека сите ние со нашата посветеност, сплотеност и чесност, кои се карактеристики на нашите граѓани, можеме во новата 2015 година да направиме многу и тоа за секој од нас поединечно, за нашите семејства и за Република Македонија. Посакувам во Новата година токму врз тие атрибути парламентот и парламентарната демократија да функционираат, онака како што доликува на едно современо општество и на европска држава, а Република Македонија и цивилизациски и културно е дел од Европа. Затоа посакувам и во новата 2015 година стабилна Македонија, поголем економски просперитет за сите граѓани и нека ни бидат здрави и живи семејствата“, стои во честитката од Вељаноски.