Полицијата вчера (01 октомври 2021 г.) казнила 265 возачи кои возеле пребрзо низ македонските патишта.
„Од нив, 16 возилa се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина“, соопшти Министерството за внатрешни работи.
Од вкупно 265 казнети возачи, 107 возеле пребрзо во населено место, а 158 надвор од населено место.
„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, велат од МВР.