Министерството за внатрешни работи во изминатите 24 часа издало потврди за искажана намера за поднесување барање за признавање право на азил на вкупно 3.458 странски државјани. Најбројни се државјнаните на Сирија, 1.638, на Авганистан, 860, и на Ирак, 478.
Од 19 јуни до вчера издадени се потврди на вкупно 258.417 странски државјани, од кои државјани на Сирија биле 158.986, на Авганистан – 56.773, на Ирак – 21.228.
Во изминатото деноноќие до Одделението за азил не се поднесени барања за признавање право на азил врз основа на претходно издадена потврда за искажана намера за поднесување барање за признавање право на азил .
Од почнувањето на издавањето на потврдите до вчера до Одделението за азил се поднесени 70 барања за признавање право на азил врз основа на претходно издадена потврда.