Засега непозната експлозивна направа експлодирала во непосредна близина на бетонска ограда од двор на куќа лоцирана на улица Никола Малешевски, информираат од МВР.
Од настанатата експлозија нема повредени лица, причинета е само материјална штета, односно оштетување на прозорците од куќата, а оштетен е и автомобил марка „мерцедес“. Се преземаат мерки за целосно расчистување и за документирање на настанот.
Некои медиуми информираа дека експлозијата се случила во близина на куќата на вицепремиерот за рамковни прашања, Муса Џафери.