Генерал-мајор Методија Величковски е нов началник на генералштабот на Армијата на Република Македонија. Тој на функцијата доаѓа на местото на досегашниот началник Горанчо Котески.
Претседателот на државата и Врховен командант, Ѓорге Иванов, вчера попладне го потпишал указот за именување на нов началник на генералштабот, откако Котески предходно бил разрешен од функцијата. Инаку Горанчо Котески една година ја вршеше должноста началник на генералштабот на АРМ со истечен мандат.
Како што пренесува „Новатв“, шпекулациите се дека Методија Величковски, наводно е компромисно решение поради судирот на интереси кој настанал бидејќи претседателот на државата и владејачката партија имале различни фаворити кои сакале да ги протуркаат за функцијата.