Лидерот на ДПА, Мендух Тачи, пристигна во седиштето на Канцеларијата за врски на Грција за да се сретне со грчкиот министер за надворешни работи, Никос Коѕиас.
Предвидено е средбата да трае половина час, а по завршувањето нема да има изјави.
Откако ќе заврши средбата Тачи-Коѕиас, грчкиот министер во Канцеларијата за врски треба да се сретне со лидерот на ДУИ, Али Ахмети, а потоа во хотелот „Холидеј ин“ со лидерот на СДСМ, Зоран Заев.
Премиерот Никола Груевски и грчкиот министер ќе се сретнат во Собранието.
Коѕиас имаше средба со претседателот Ѓорге Иванов, на која размениле мислења за вкупните билатерални односи.