Ирачкиот премиер Хајдер ал-Абади прогласи победа над Исламска држава во Мосул, соопшти неговата канцеларија.
Во соопштението се вели дека Абади, кој е врховен командант на ирачките вооружен сили, стигнал во ослободениот град Мосул.
Абади, како што се наведува во соопштението, им честитал на херојските борци и на ирачкиот народ на големата победа.
Ирачките сили, со поддршка на воздушните напади на коалицијата на чело со САД, од 17 октомври минатата година се обидуваат да го преземат тој град од рацете на ИД, која го зазеде во јуни 2014 година.