Охрид и Струга се полни со новогодишни славеници, додека домаќините се трудат да им приредат незаборавни доживувања.
Менаџментот и персоналот на хотелот „Дрим“ во Струга и годинава на првиот ден од Новата година, за гостите ја организираа традиционалната манифестација „Ручек со лебедите“.
Дружбата со музика и со традиционална македонска храна, заедно со сончевото, иако не многу топло време, ги изнесоа најголемиот број од гостите од собите.
На отворено, на плажата пред хотелот, гостите уживаа во специјалитетите, амбиентот и во содржината на оваа уникатната идеја.
Менаџерот и сопственик на хотелот, Крсте Блажески, за „Мета“ појасни дека на овој начин сакале да понудат нешто ново во туризмот.
– Со ова симболично го одбележавме почетокот на Новата година. Хотелот годинава беше исполнет до последно место. Најмногу гости имаме од Бугарија, кои се застапени со повеќе од 70 проценти, потоа од Србија, помалку од Албанија, како и мал дел од нашата земја – вели Блажески.