На шестдневен одмор во одморалиштето „Пелистер“ во Битола, денеска замина група од 36 деца од општина Гевгелија, од семејства со социјален ризик, корисници на посебен додаток и други права.
Тие се дел од проектот на Министерството за труд и социјална политика за бесплатен одмор и рекреација, што се спроведува од 3 до 19 јануари.
За време на престојот во одморалиштето на Пелистер, гевгелиската група деца од ранливите категории ќе биде придружувана од двајца волонтери на Општинската организација на Црвениот крст од Гевгелија.