Европската Унија ги продолжи до септември санкциите кон поединци во Русија и во Украина поради судирите во Украина.
Како што соопштија од Брисел, рестрикциите се продолжени за 146 луѓе и за 37 компании, кои се најдоа на црната листа поради постојаното поткопување и загрозување на територијалниот интегритет, суверенитет и независност на Украина.
Листата овојпат е пократка за три лица, кои во меѓувреме починале.
На листата на санкционирани се наоѓаат рускиот заменик-премиер Дмитриј Рогозин, министерот за одбрана Аркадиј Бахин, заменик-министерот за одбрана Анатолиј Антонов, како и Аркадиј Ротенберг.