Џихадистите на Исламска држава самите се доведоа во позиција да бидат лесна мета, доведувајќи ги своите борци во сирискиот град Кобане, соопшти пензиониранит американски генерал Џон Ален.
– На тој начин меѓународната коалиција можеше да ги бомбардира – додаде Ален.
Ален, кој е координатор на коалицијата предводена од САД во борбата против џихадистите во Сирија и во Ирак, вели дека според досегашните процени, 600 припадници на ИСИС се убиени во воздушните напади.
– Исламската држава на крај ќе биде победена во битката за Кобане – додаде Ален.
Според неговите зборови, повлекувањето на џихадистите од Кобане укажува на тоа дека не ги постигале целите. Тоа, според Ален, е показател дека „победничкиот марш“ ќе го имаат коалициските сили.