Компанијата „Ворнер брос“ официјално објави дека Џаред Лето ја доби улогата на Џокер во филмската адаптација на стрипот „Самоубиствен одред“. Вил Смит ќе го глуми Дедшот, Том Харди е Рик Флаг, Маргот Роби ќе ја глуми девојката на Џокер, Харли Квин, моделката Кара Девелин ќе биде Енчантрес, а Џеј Кортни е Бумеранг.
Режисер на филмот е Дејвид Ер, продуценти се Чарлс Ровен и Ричард Сакл. Снимањето на филмот ќе почне во април во Торонто, а премиерата е закажана за 5 август 2016 година.