Од вкупно 37 пожари на отворен простор во текот на изминатото деноноќие, моментално активни се десет, соопшти Центарот за управување со кризи (ЦУК). Шест од нив се под контрола, а 21 се изгаснати.
Активни се пожарите во Општина Македонски Брод, Ресен, Пехчево, Новаци, Пласница, Кичево и Гази Баба.
Во активните пожари горат борова, дабова, букова и мешана шума, како и нискостеблеста вегетација.
Под контрола се шест пожари, односно тие во Општина Неготино, Чашка, Демир Хисар, Охрид, Делчево, Липково и Кочани.
Во последното деноноќие изгаснати се 21 пожар, во кои главно биле зафатени стрништа, сува трева, депонии, соопштува ЦУК.